త్వరలో ప్రేక్షకుల ముందుకు రాబోతోన్న మంచు మనోజ్ యాక్షన్ ఎంటర్ టైనర్ ‘Mr. నోకియా’ విడుదల తేదీ దాదాపు ఖరారైంది. ఈ చిత్రం జనవరిలో తెరలను తాకనుంది. ఈ మూవీ ఆడియో డిసెంబర్ లో విడుదల చేస్తామని నిర్మాత వెల్లడించారు. క్రితి కర్బంధ, సోన ఖాన్ ఈ చిత్రం లో కథానాయికలుగా నటిస్తున్నారు.
ఈ సినిమాలో మనోజ్ క్యారక్టర్ చాలా ప్రత్యేకంగా, చిత్రానికే హైలెట్ గా నిలువనుందని సమాచారం. ఈ మూవీ ని అనిల్ కృష్ణ డైరెక్ట్ చేస్తుండగా, డిఎస్ రావు నిర్మాత. టైటిల్ విభిన్నం గా ఉండటం తో ఇప్పటికే ఈ చిత్రం అందరి నోళ్ళలోనూ నానుతుంది.
మనోజ్ ఈ సినిమాలో ఎన్నో హై వోల్టేజ్ యాక్షన్ విన్యాసాలు చేసారు. కాగ, ఈ మూవీ కొత్త షెడ్యూల్ చిత్రీకరణ రేపటినుంచి రామోజీ ఫిలిం సిటీ లో జరుగనుంది. యువన్ శంకర్ రాజ ఈ చిత్రానికి స్వరాలూ సమకూరుస్తున్నారు.
