మంచు మనోజ్ తదుపరి చిత్రం మిస్టర్.నోకియా వినోదాత్మకంగా రూపొండుతోండున్నట్లు చిత్ర యూనిట్ సభ్యులు తెలిపారు. పర్స్తుతం ఈ చిత్రం రామోజీ ఫిలిం సిటీలో షూటింగ్ జరుపుకుంటోంది. ఇంకా రెండు రోజులు షూటింగ్ కొనసాగుతుందని భావిస్తున్నారు. మనోజ్ మరియు కృతి ఖర్బంధ మీద రెండు పాటలు చిత్రీకరించాల్సి ఉంది. యువన్ శంకర్ రాజా సంగీతం అందించిన ఈ చిత్ర పాటలు డిసెంబర్ విడుదల చేయడానికి సన్నాహాలు చేస్తున్నారు.
ఈ చిత్ర కథ విషయానికి వస్తే జీవితాన్ని సరదాగా గడుపుతూ ఎటువంటి భాద్యతలు లేకుండా తిరిగే ఒక యువకుడి జీవితంలో అనుకోకుండా కొన్ని సంఘటనల చోటు చేసుకుంటాయి. వాటిని అతను ఎలా ఎదుర్కొన్నాడు అనేది ఈ చిత్ర కథ. ఈ చిత్ర నిర్మాత డి. ఎస్.రావు మాట్లాడుతూ ఈ చిత్రంలో వినోదం చాలా ఎక్కువగా ఉంటుందని చెప్పారు. సనా ఖాన్ సెకండ్ హీరోయిన్ గా నటిస్తున్న ఈ చిత్రానికి అనీల్ దర్శకత్వం వహిస్తున్నారు.