ప్రభాస్ హీరోగా నటించిన లేటెస్ట్ మూవీ కల్కి2898AD బాక్సాఫీస్ వద్ద భారీ వసూళ్లతో దూసుకు పోతుంది. నాగ్ అశ్విన్ దర్శకత్వంలో తెరకెక్కిన ఈ చిత్రంలో అతిధి పాత్రలు ఉన్నాయి. అందులో ఒకరు ప్రముఖ హీరోయిన్ మృణాల్ ఠాకూర్. ఆమె ఒక చిన్న పాత్రను పోషించింది. మొదటి పది నిమిషాల్లో మృణాల్ కనిపిస్తుంది. కల్కిలో ఆమె ప్రెజెన్స్ గురించి అడిగినప్పుడు, మృణాల్ కథ లేదా తన పాత్ర కోసం మేకర్స్‌ని కూడా అడగలేదని చెప్పింది.
కల్కి ఒక రకమైన సంచలనం సృష్టిస్తుంది అని నాకు ముందే తెలుసు, దానిలో భాగమైనందుకు నేను సంతోషించాను అని చెప్పారు. వైజయంతీ మూవీస్ గత చిత్రం సీతారామంలో మృణాల్ ఠాకూర్ మహిళా ప్రధాన పాత్ర పోషించింది, ఇది బాక్సాఫీస్ వద్ద సంచలన విజయం సాధించింది. మృణాల్ చివరిగా ఫ్లాప్ అయిన విజయ్ దేవరకొండ చిత్రం, ఫ్యామిలీ స్టార్‌లో ఫీమేల్ లీడ్ రోల్ లో కనిపించింది.
