సూపర్ స్టార్ మహేష్ బాబు హీరోగా, క్రియేటివ్ డైరెక్టర్ కృష్ణవంశి దర్శకత్వంలో తెరకెక్కిన మురారి చిత్రం రీ-రిలీజ్ కి రెడీ అయిపోయింది. మహేష్ బాబు పుట్టిన రోజు సందర్భంగా ఆగస్టు 9 వ తేదీన ప్రేక్షకుల ముందుకు రాబోతోంది. ఈ చిత్రానికి సంబంధించిన అడ్వాన్స్ బుకింగ్స్ జోరుగా సాగుతున్నాయి. ప్రముఖ టికెటింగ్ యాప్ అయిన బుక్ మై షోలో ఈ చిత్రం ట్రెండ్ సెట్ చేస్తోంది.
ఇప్పటి వరకూ ఏ రీ-రిలీజ్ కి సాధ్యం కానీ రికార్డును క్రియేట్ చేసింది. రిలీజ్ కి ముందే 2 కోట్ల రూపాయల గ్రాస్ ను వేగవంతంగా రాబట్టిన చిత్రంగా నిలిచింది. సోనాలి బింద్రే, లక్ష్మీ, కైకాల సత్యనారాయణ, గొల్లపూడి మారుతీరావు తదితరులు కీలక పాత్రల్లో నటించిన ఈ చిత్రానికి మెలోడీ బ్రహ్మ మణిశర్మ అధ్బుతమైన సంగీతం అందించారు. రీ-రిలీజ్ కి ఇంకా 3 రోజుల సమయం ఉండటంతో సినిమా మరింత టార్గెట్ ను సెట్ చేసే అవకాశాలు కనిపిస్తున్నాయి.
