సూపర్ స్టార్ మహేష్ బాబు పుట్టినరోజు సందర్భంగా ఆయన నటించిన క్లాసిక్ కల్ట్ మూవీ ‘మురారి’ రీ-రిలీజ్ అయిన సంగతి తెలిసిందే. దర్శకుడు కృష్ణవంశీ డైరెక్ట్ చేసిన ఈ ఫ్యామిలీ ఎంటర్‌టనర్ చిత్రాన్ని బిగ్ స్క్రీన్‌పై మళ్లీ చూసేందుకు అభిమానులు థియేటర్లకు క్యూ కట్టారు.
దీంతో ఈ సినిమా రీ-రిలీజ్ అయ్యిందా లేక ఇప్పుడే రిలీజ్ అయ్యిందా అనే స్థాయిలో ఓపెనింగ్స్ వచ్చాయి. ఈ సినిమాకు ప్రపంచవ్యాప్తంగా ఏకంగా రూ.5.4 కోట్ల గ్రాస్ వసూళ్లు వచ్చినట్లు చిత్ర యూనిట్ ప్రకటించింది. ఇది ఆల్‌టైమ్ రికార్డు అని వారు తెలిపారు. మహేష్ బాబుకు ఉన్న ఫ్యాన్ బేస్ ఈ సినిమాను థియేటర్లలో మరోసారి చూసేందుకు పండగ వాతావరణాన్ని క్రియేట్ చేశారు. దీనికి సంబంధించి నెట్టింట పలు వీడియోలు బాగా వైరల్ అయ్యాయి.
ఇక ఈ సినిమాలో సోనాలి బింద్రే హీరోయిన్‌గా నటించగా మణిశర్మ అద్భుతమైన సంగీతం అందించారు. ఈ సినిమా ఇంకా ఎలాంటి వండర్స్ క్రియేట్ చేస్తుందో చూడాలి.
