యంగ్ హీరో అశ్విన్ బాబు న‌టించిన లేటెస్ట్ మూవీ ‘శివం భ‌జే’ ఇప్ప‌టికే షూటింగ్ ముగించుకుని రిలీజ్ కు రెడీగా ఉంది. ఈ సినిమాను ద‌ర్శ‌కుడు అప్స‌ర్ పూర్తి యాక్ష‌న్ థ్రిల్ల‌ర్ క‌థ‌గా తెర‌కెక్కించాడు. ఇక ఇప్ప‌టికే రిలీజ్ అయిన ఈ సినిమా పోస్ట‌ర్స్, టీజ‌ర్, ట్రైల‌ర్లు సినిమాపై మంచి అంచ‌నాలు క్రియేట్ చేశాయి. కాగా ఈ సినిమాను ఆగ‌స్టు 1న థియేట‌ర్లలో గ్రాండ్ రిలీజ్ చేస్తున్నారు.

అయితే, ఈ సినిమాను నైజాం ఏరియాలో ప్ర‌ముఖ సంస్థ మైత్రీ మూవీ డిస్ట్రిబ్యూష‌న్ రిలీజ్ చేస్తున్నారు. ఈ బ్యాన‌ర్ పై మాస్ రాజా ర‌వితేజ న‌టిస్తున్న ‘మిస్ట‌ర్ బ‌చ్చ‌న్’ కూడా రిలీజ్ అవుతుండ‌టంతో ప్రేక్ష‌కులకు వ‌రుస‌గా ట్రీట్ ఇచ్చేందుకు రెడీ అవుతున్నారు మైత్రీ మూవీస్. ఇక ‘శివం భ‌జే’ సినిమా వైవిధ్య‌మైన క‌థ‌నంతో తెర‌కెక్కినట్లుగా మేక‌ర్స్ చెబుతున్నారు.

ఈ సినిమాలో బాలీవుడ్ న‌టుడు అర్బాజ్ ఖాన్, దిగంగ‌నా సూర్య‌వంశీ, హైప‌ర్ ఆది, ముర‌ళీ శ‌ర్మ‌, తుల‌సి త‌దిత‌రులు ఇత‌ర ముఖ్య పాత్ర‌ల్లో న‌టిస్తున్నారు. ఈ సినిమాను మ‌హేశ్వ‌ర రెడ్డి మూలి ప్రొడ్యూస్ చేస్తుండ‌గా, వికాస్ బ‌డియా సంగీతం అందించారు.