గ్లోబల్ స్టార్ రామ్ చరణ్ కెరీర్‌లో బ్లాక్‌బస్టర్ హిట్‌గా నిలిచిన చిత్రం ‘మగధీర’ అందరికీ తెలిసిందే. ఈ సినిమాలో విలన్‌గ అద్భుతమైన నటనను కనబర్చిన దేవ్ గిల్, ఆ తరువాత చాలా సినిమాల్లో నటించాడు. విలన్‌గా తెలుగు ప్రేక్షకులకు దగ్గరయిన ఈ నటుడు, ఇప్పుడు హీరోగా మారి చేసిన సినిమా ‘అహో విక్రమార్క’. ఆగస్టు 30న గ్రాండ్ రిలీజ్‌కు రెడీ అయిన ఈ సినిమాను తెలుగులో మంచి బజ్‌తో రిలీజ్ చేస్తున్నారు.
పవర్‌ఫుల్ కాప్ యాక్షన్ డ్రామాగా ఈ సినిమా తెరకెక్కగా, ఇందలో ఓ పవర్‌ఫుల్ పోలీస్ ఆఫీసర్ పాత్రలో దేవ్ గిల్ నటిస్తున్నాడు. ఇక ఈ సినిమాను తెలుగు రాష్ట్రాల్లో ప్రముఖ డిస్ట్రిబ్యూషన్ సంస్థ మైత్రీ మూవీ డిస్ట్రిబ్యూటర్స్ రిలీజ్ చేస్తున్నారు. దీంతో తెలుగునాట ఈ సినిమాకు మంచి క్రేజ్ లభిస్తుందని చిత్ర యూనిట్ ఆశిస్తున్నారు.
ఈ సినిమాలో చిత్ర శుక్లా, ప్రవీణ్ తర్డె, తేజస్విని పండిత్, పోసాని కృష్ణమురళి, బిత్తిరి సత్తి తదితరులు ఇతర ముఖ్య పాత్రల్లో నటిస్తున్నారు. ఈ సినిమాను పేట త్రికోటి డైరెక్ట్ చేయగా.. ఆర్తి దేవిందర్ గిల్, మీహిర్ కుల్కర్ణి, అశ్విని కుమార్ మిశ్రా సంయుక్తంగా ప్రొడ్యూస్ చేస్తున్నారు. ఈ సినిమాకు రవి బస్రూర్ సంగీతం అందిస్తున్నారు.