యంగ్ అండ్ టాలెంటెడ్ హీరో హీరోయిన్స్ ప్రియదర్శి అలాగే నభా నటేష్ ల కలయికలో దర్శకుడు అశ్విన్ రామ్ తెరకెక్కించిన లేటెస్ట్ చిత్రమే “డార్లింగ్”. మరి టైటిల్ మరియు ఫస్ట్ లుక్ పోస్టర్ తో మంచి బజ్ ని సొంతం చేసుకున్న ఈ చిత్రం గత జూలై 19న థియేటర్స్ లోకి మంచి ప్రమోషన్స్ ని చేసుకొని వచ్చింది. కానీ సినిమా అనుకున్న రేంజ్ లో రాణించలేదు. దీనితో థియేట్రికల్ గా రన్ ని ముగించుకున్న ఈ చిత్రం ఇప్పుడు ఓటిటిలో రిలీజ్ అయ్యేందుకు సిద్ధం అయ్యింది.
మరి ఈ సినిమా తాలూకా స్ట్రీమింగ్ హక్కులు ప్రముఖ సంస్థ డిస్నీ+ హాట్ స్టార్ వారు సొంతం చేసుకున్న సంగతి అందరికీ తెలిసిందే. ఇక ఇందులో ఈ సినిమా ఈ ఆగస్ట్ 13 నుంచి రిలీజ్ కి వచ్చేందుకు సిద్ధం అయ్యింది. ఈ అప్డేట్ ని హాట్ స్టార్ వారు తాజాగా అందించడంతో డార్లింగ్ ఓటిటి ఎంట్రీ ఖరారు అయ్యిపోయింది. ఇక ఈ చిత్రానికి వివేక్ సాగర్ సంగీతం అందించగా “హను మాన్” నిర్మాణ సంస్థ ప్రైమ్ షో ఎంటర్టైన్మెంట్స్ వారు నిర్మాణం వహించారు.