పాన్ ఇండియా స్టార్ ప్ర‌భాస్ న‌టించిన లేటెస్ట్ మూవీ ‘క‌ల్కి 2898 AD’ ఇటీవ‌ల రిలీజ్ అయ్యి బాక్సాఫీస్ ద‌గ్గ‌ర సెన్సేష‌న‌ల్ విజయాన్ని అందుకుంది. ఈ సినిమాను ద‌ర్శ‌కుడు నాగ్ అశ్విన్ పూర్తి మైథాల‌జీ సైఫై స‌బ్జెక్ట్ తో తెర‌కెక్కించిన తీరుకు ప్రేక్ష‌కులు థ్రిల్ అయ్యారు. ఇక ఈ సినిమా వ‌సూళ్ల ప‌రంగా ఇండియ‌న్ బాక్సాఫీస్ ద‌గ్గ‌ర సరికొత్త రికార్డుల‌ను క్రియేట్ చేస్తోంది.
‘క‌ల్కి 2898 AD’ మూవీ ఏకంగా రూ.వెయ్యి కోట్ల వ‌సూళ్ల‌తో దూసుకుపోతుంది. ఈ సినిమాకు ఇంత‌టి ట్రెమెండ‌స్ రెస్పాన్స్ అందించిన ప్రేక్ష‌కుల‌కు చిత్ర యూనిట్ థ్యాంక్స్ చెబుతోంది. కాగా, ఈ సినిమాను అభిమానులతో కలిసి వీక్షించేందుకు ద‌ర్శ‌కుడు నాగ్ అశ్విన్ స్వ‌యంగా వ‌స్తున్నాడు. ‘క‌ల్కి 2898 AD’ చిత్రాన్ని నేడు మ‌ధ్యాహ్నం మ‌హ‌బూబ్ న‌గ‌ర్ లోని ఏవిడి థియేట‌ర్ లో అభిమానులతో కలిసి ఆయ‌న చూడ‌నున్నారు.
ఇక ఈ సినిమాలో బిగ్ బి అమితాబ్ బ‌చ్చ‌న్, లోక‌నాయ‌కుడు క‌మ‌ల్ హాస‌న్, బాలీవుడ్ భామ‌లు దీపిక ప‌దుకొనె, దిశా ప‌టానీల‌తో పాటు భారీ క్యాస్టింగ్ నటించారు. ఈ సినిమాకు సంతోష్ నారాయ‌ణ‌న్ సంగీతం అందించ‌గా, వైజ‌యంతి మూవీస్ బ్యాన‌ర్ పై సి.అశ్వినీదత్ ప్రొడ్యూస్ చేశారు.
