టాలీవుడ్ యంగ్ హీరో అక్కినేని నాగచైతన్య క్రికెట్ లెజెండ్ ప్లేయర్ సౌరవ్ గంగూలీతో కలిసి ఉన్న వీడియో నెట్టింట వైరల్ అవుతోంది. తన అభిమాన క్రికెట్ దిగ్గజాన్ని కలిసి నాగచైతన్య ముచ్చటించాడు. చెన్నైలో జరుగుతున్న ఫార్ములా రేసింగ్ సర్క్యూట్‌లో ఈ సీన్ చోటు చేసుకుంది.
సౌరవ్ గంగూలీ కోల్‌కత రాయల్ టైగర్స్ ఫ్రాంచైజీకి ఓనర్‌గా ఉన్నారు. అటు నాగచైతన్య కూడా హైదరాబాద్ బ్లాక్‌బర్డ్స్ అనే జట్టుకి ఓనర్‌గా ఉన్నారు. ఇండియన్ రేసింగ్ లీగ్ 2024లో ఈ జట్లు పాల్గొంటున్నాయి. తమ జట్ల ప్రదర్శన వీక్షించేందుకు వారు ఈ ఈవెంట్‌కు హాజరయ్యారు.
ఇలా సౌరవ్ గంగూలీని కలిసిన చైతూ తన సంతోషాన్ని వ్యక్తం చేశాడు. ఇక ఈ ఈవెంట్‌లో వీరితో పాటు జాన్ అబ్రహం, అర్జున్ కపూర్‌లకు చెందిన జట్లు కూడా పోటీపడుతున్నాయి. సినిమాల పరంగా నాగచైతన్య ప్రస్తుతం ‘తండేల్’ మూవీని రిలీజ్‌కి రెడీ చేస్తున్నాడు.
Yuvasamrat @chay_akkineni with Legendary Dada of Indian Cricket @SGanguly99 sir, at Racing Festival in Chennai ???? pic.twitter.com/UiaBPjSkDJ
— Naga Chaitanya FC (@ChayAkkineni_FC) September 1, 2024