అక్కినేని నాగ చైతన్య హీరోగా విక్రమ్ కుమార్ దర్శకత్వంలో తెరకెక్కిన ఫీల్ గుడ్ రొమాంటిక్ మూవీ థాంక్యూ. ఈ చిత్రం థియేటర్ల లో విడుదల అయ్యి బాక్సాఫీస్ వద్ద ఊహించిన రీతిలో వసూళ్ళను సాధించలేదు. అయితే ఈ చిత్రం ఇప్పుడు వరల్డ్ టెలివిజన్ ప్రీమియర్ గా బుల్లితెర ప్రేక్షకులను అలరించడానికి సిద్దం అవుతోంది. త్వరలో ఈ చిత్రం జెమిని టీవీ లో ప్రసారం కానుంది.
శ్రీ వేంకటేశ్వర క్రియేషన్స్ బ్యానర్ పై దిల్ రాజు, శిరీష్ లు సంయుక్తంగా నిర్మించిన ఈ చిత్రానికి బీవీఎస్ రవి కథ అందించారు. రాశి ఖన్నా, మాలవిక నాయర్, అవికా గోర్ లు లేడీ లీడ్ రోల్స్ లో నటించగా, మ్యూజికల్ సెన్సేషన్ థమన్ ఈ చిత్రానికి సంగీతం అందించారు. ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.
