టాలీవుడ్ యంగ్ అండ్ టాలెంటెడ్ హీరో నాగశౌర్య హీరోగా యుక్తి తరేజ హీరోయిన్ గా కొత్త దర్శకుడు పవన్ బాసం శెట్టి తెరకెక్కించిన ఎంటర్టైనర్ చిత్రమే “రంగబలి”. మరి ఇంట్రెస్టింగ్ ప్రమోషన్స్ నడుమ రిలీజ్ కి వచ్చిన ఈ చిత్రం హిలేరియోస్ ఫస్టాఫ్ తో ఆకట్టుకోగా సెకండాఫ్ విషయంలో బాగా డిజప్పాయింట్ చేయడం అయితే సినిమా ఫలితాన్ని దెబ్బ తీసింది.
దీనితో ప్లాప్ గానే నిలిచిపోయిన ఈ చిత్రం ఇప్పుడు ఓటీటీ లో అయితే స్ట్రీమింగ్ కి వచ్చేసింది. ఈ చిత్రం స్ట్రీమింగ్ హక్కులు నెట్ ఫ్లిక్స్ వారు సొంతం చేసుకోగా మరి అందులో ఈ చిత్రం ఈరోజు నుంచి అందుబాటులోకి వచ్చింది. ఇక ఈ చిత్రానికి పవన్ సి హెచ్ సంగీతం అందించగా ఎస్ ఎల్ వి సినిమాస్ వారు నిర్మాణం వహించారు.
