యంగ్ అండ్ టాలెంటెడ్ హీరో నాగ శౌర్య హీరోగా, మాళవిక నాయర్ హీరోయిన్ గా నటిస్తున్న లేటెస్ట్ మూవీ ఫలానా అబ్బాయి ఫలానా అమ్మాయి. ఈ రొమాంటిక్ కామెడీ ఎంటర్టైనర్ కి అవసరాల శ్రీనివాస్ దర్శకత్వం వహిస్తున్నారు. ఈ చిత్రం పై సర్వత్రా ఆసక్తి నెలకొంది. ఈ చిత్రం కి సంబంధించిన ప్రచార చిత్రాలు ప్రేక్షకులను విశేషంగా ఆకట్టుకుంటున్నాయి.
అయితే ఈ చిత్రం శాటిలైట్ మరియు డిజిటల్ రైట్స్ పై తాజాగా ఒక క్లారిటీ వచ్చింది. ఈ చిత్రం యొక్క శాటిలైట్ హక్కులను ప్రముఖ టివి ఛానల్ జెమిని టీవీ సొంతం చేసుకున్నట్లు తెలుస్తోంది. అదే విధంగా SunNXT డిజిటల్ హక్కులను సొంతం చేసుకుంది. ఈ చిత్రాన్ని పీపుల్ మీడియా ఫ్యాక్టరీ మరియు దాసరి ప్రొడక్షన్స్ పై నిర్మిస్తుండగా, కళ్యాణ్ మాలిక్ సంగీతం అందిస్తున్నారు.
