గాడ్ ఆఫ్ మాసెస్ నందమూరి బాలకృష్ణ నటిస్తున్న లేటెస్ట్ మూవీ ‘డాకు మహారాజ్’ ఇప్పటికే షూటింగ్ పనులు ముగించుకుని సంక్రాంతి బరిలో రిలీజ్‌కు రెడీ అయ్యింది. ఈ సినిమాను దర్శకుడు బాబీ డైరెక్ట్ చేస్తుండగా పూర్తి మాస్ యాక్షన్ ఎంటర్‌టైనర్‌గా ఈ మూవీ ప్రేక్షకులను ఆకట్టుకోనుంది. ఇక ఈ సినిమా నుంచి రిలీజ్ అయిన పోస్టర్స్, టీజర్, సాంగ్స్ ఈ సినిమాపై మంచి అంచనాలను క్రియేట్ చేశాయి.
ఈ చిత్రానికి థమన్ సంగీతం నెక్స్ట్ లెవెల్‌లో ఉండబోతుందని చిత్ర యూనిట్ చెబుతోంది. తాజాగా ఈ చిత్ర నిర్మాత నాగవంశీ ఈ చిత్రానికి థమన్ అందించిన బ్యాక్‌గ్రౌండ్ స్కోర్‌పై కొన్ని ఇంట్రెస్టింగ్ కామెంట్స్ చేశారు. ఈ సినిమాకు థమన్ అందించిన స్కోర్ నెక్స్ట్ లెవెల్‌లో ఉందని.. తాను రీసెంట్‌గా ఈ స్కోర్‌ని విన్నానని.. ప్రేక్షకులకు ఇది ఖచ్చితంగా పూనకాలు తెప్పిస్తుందని నాగవంశీ అన్నారు.
దీంతో బాలయ్య సినిమాకు మరోసారి థమన్ తనదైన మార్క్ స్కోర్‌తో రెచ్చిపోయాడని తెలుస్తోంది. ఇక ఈ సినిమాలో బాలయ్య పర్ఫార్మెన్స్ కూడా వేరే లెవెల్‌లో ఉండబోతుందని చిత్ర యూనిట్ చెబుతోంది. ఈ సినిమాలో ప్రగ్యా జైస్వాల్, శ్రద్ధా శ్రీనాథ్, చాందిని చౌదరి, బాబీ డియోల్ తదితరులు ఇతర ముఖ్య పాత్రల్లో నటిస్తున్నారు.