అక్కినేని నాగార్జున సూపర్ హిట్ సినిమా ‘సోగ్గాడే చిన్నినాయన’లో నాగార్జున చేసిన బంగార్రాజు పాత్రకు విశేషమైన స్పందన రావడంతో దర్శకుడు కళ్యాణ్ కృష్ణ, నాగార్జునతో బంగార్రాజు పేరుతో ఒక సినిమా తీయబోతున్న సంగతి తెలిసిందే. అయితే చైతు – నాగ్ కలయికలో రానున్న ఈ సినిమాలో అక్కినేని అఖిల్ కూడా కనిపించబోతున్నాడని ఇప్పుడు ఫిల్మ్ సర్కిల్స్ లో టాక్ నడుస్తోంది. కాగా ఎప్పుడో మొదలవ్వాల్సిన ఈ సినిమా కొన్ని కారణాల వల్ల వాయిదా పడుతూ.. అనుకున్న సమయానికి బంగార్రాజు సినిమా సెట్స్ పైకి వెళ్ళలేదు.
కానీ వచ్చే నెల మూడో వారం నుండి ఈ సినిమాను మొదలుపెట్టబోతున్నట్లు ఇప్పటికే వార్తలు వస్తోన్న సంగతి తెలిసిందే. ఇక ఈ సినిమాలో ఓ కీలక పాత్రలో రమ్యకృష్ణ కూడా నటించబోతుంది. కాగా ప్రస్తుతం కళ్యాణ్ కృష్ణ, ఈ చిత్ర సంగీత దర్శకుడు అనుప్ రూబెన్స్‌తో పాటు సాంగ్స్ కంపోజిషన్స్‌ లో బిజీగా ఉన్నాడట. ఇప్పటికే ట్యూన్స్ కూడా పూర్తయ్యాయట. మొత్తానికి ‘బంగార్రాజు’ రాక ఆలస్యం అయినా, ఆసక్తి ఉండేలా ఉంది.