రెబల్ స్టార్ ప్రభాస్ హీరోగా, టాలెంటెడ్ డైరెక్టర్ నాగ్ అశ్విన్ దర్శకత్వంలో తెరకెక్కిన మైథాలజీ సైన్స్ ఫిక్షన్ మూవీ కల్కి 2898ఎడి. ఈ చిత్రం ధియేటర్లలో రిలీజ్ అయ్యి ప్రేక్షకులను, అభిమానులని విశేషం గా ఆకట్టుకుంటుంది. బాక్సాఫీస్ వద్ద 1000 కోట్ల రూపాయలకి పైగా వసూళ్లు రాబట్టి, సెన్సేషన్ క్రియేట్ చేస్తోంది. ఈ చిత్రం లాంగ్ రన్ లో మరింత వసూళ్లను రాబట్టే అవకాశాలు కనిపిస్తున్నాయి.
అయితే కల్కి చిత్రం వెయ్యి కోట్ల రూపాయల వసూళ్లను రాబట్టడం పట్ల డైరెక్టర్ నాగ్ అశ్విన్ చేసిన కామెంట్స్ సోషల్ మీడియాలో హాట్ టాపిక్ గా మారాయి. అశ్లీలత, బ్లడ్, రెచ్చగొట్టే లాంటి అంశాలు లేకుండా ఈ ఫీట్ సాధించాం అని, ఇందుకు కారణం అయిన ప్రేక్షకులను, సినీ ప్రముఖులకి థాంక్స్ తెలిపారు. అయితే ఇటీవల బాక్సాఫీస్ వద్ద అత్యధిక వసూళ్లు (917 కోట్ల రూపాయలు) రాబట్టిన చిత్రం ఆనిమల్. సందీప్ రెడ్డి వంగ దర్శకత్వంలో తెరకెక్కిన ఈ చిత్రం దేశ వ్యాప్తంగా సెన్సేషన్ క్రియేట్ చేయడం జరిగింది.
సందీప్ రెడ్డి వంగ దర్శకత్వంలో రాబోయే ప్రాజెక్టులపై మరింత అంచనాలను ఈ ఆనిమల్ చిత్రం కచ్చితం గా పెంచేసింది అని చెప్పాలి. అయితే నాగ్ అశ్విన్ చేసిన కామెంట్స్ వంగ ను టార్గెట్ చేసినట్లు ఉన్నాయి అంటూ కొందరు అభిమానులు చెబుతున్నారు. మరొక పక్క రాజమౌళి, సుకుమార్ లు కూడా మాస్, కమర్షియల్ చిత్రాలతో మంచి వసూళ్లు సాధిస్తున్నారు అంటూ కొందరు అంటున్నారు. ప్రభాస్ ఫ్యాన్స్ మాత్రం స్పిరిట్ తో కల్కి రికార్డులను బ్రేక్ చేస్తాడు సందీప్ రెడ్డి వంగ అంటూ చెబుతున్నారు. ఏదేమైనా నాగ్ అశ్విన్ చేసిన ఈ కామెంట్స్ సోషల్ మీడియాలో హాట్ టాపిక్ గా మారాయి.
