ఒకప్పటి నటి రేణు దేశాయ్ చాలా ఏళ్ల తర్వాత మళ్లీ కెమెరా ముందుకొస్తున్న సంగతి తెలిసిందే. ఛాన్నాళ్లుగా నటిగా కొత్త జర్నీ ప్రారంభించాలని చూస్తున్న రేణు దేశాయ్ వెబ్ సిరీస్ ద్వారా రీఎంట్రీ ఇవ్వాలని డిసైడ్ అయ్యారు. వచ్చే నెల నుండి ఈ వెబ్ సిరీస్ షూటింగ్ ఉండనుంది. కృష్ణ మామిడాల దర్శకత్వంలో రూపొందుతున్న ఈ వెబ్ సిరీస్ ను డీ.ఎస్.రావు, ఎస్. రజనీకాంత్ సంయుక్తంగా నిర్మిస్తున్నారు. సత్యాన్వేషణలో ఒక మహిళ ప్రయాణం ఎలా ఉంటుంది అనేదే ఈ వెబ్ సిరీస్ థీమ్ అని రేణు స్వయంగా తెలిపారు. ఇందులో ఆమె ఒక సాఫ్ట్ వేర్ కంపెనీ సీఈఓగా కనిపించనున్నారట.
అయితే ఈ వెబ్ సిరీస్ టైటిల్ గా ‘ఆద్య’ అనే పేరును నిర్నయించినట్టు తెలుస్తోంది. రేణు దేశాయ్, పవన్ కళ్యాణ్ ల కుమార్తె పేరు కూడ ‘ఆద్య’నే కావడంతో ఈ బజ్ అందరకీ ఆసక్తిని రేకెత్తిస్తోంది. మరి ఈ బజ్ ఎంతవరకు నిజం, ఒకవేళ నిజమైతే ఈ ప్రాజెక్టుకు ఆద్య అనే పేరే పెట్టడానికి కారణం ఏమిటో చూడాలి. రేణు దేశాయ్ సుమారు 17 ఏళ్ళ తర్వాత మళ్లీ నటించడానికి సిద్దమయ్యారు. చివరగా ఆమె పవన్ కళ్యాణ్ సరసన 2003లో వచ్చిన ‘జానీ’ చిత్రంలో కనిపించారు. ఆ తర్వాత ఆమె దర్శకురాలిగా మారి ఒక సినిమాకు దర్శకత్వం వహించి నిర్మాతగా ఒక సినిమాను నిర్మించారు.