దేశవ్యాప్తంగా ఆగస్టు 19న రాఖీ పండుగను ప్రజలు ఘనంగా జరుపుకున్నారు. కులమతాలకు అతీతంగా ఈ పండుగను తమ సోదర, సోదరీమణులతో జరుపుకున్నారు. ఇక సెలబ్రిటీలు సైతం ఈ పండగను చాలా స్పెషల్‌గా జరుపుకున్నారు. బాలీవుడ్ నుంచి టాలీవుడ్ వరకు చాలా మంది స్టార్స్ ఈ పండగ పూట తమ తోబుట్టువులతో సంతోషంగా గడిపారు.
టాలీవుడ్ స్టార్ హీరో నందమూరి బాలకృష్ణ కూడా రాఖీ పండుగ తన తోబుట్టువులతో చాలా సంతోషంగా జరుపుకున్నారు. తన సోదరీమణులు బాలయ్య దంపతులకు రాఖీ కట్టి ఆశీర్వచనాలు ఇచ్చారు. ఇక వారితో బాలయ్య చేసిన సందడికి సంబంధించిన ఓ వీడియో నెట్టింట వైరల్ అవుతోంది.
బాలయ్య తన అక్క చెల్లెలుతో చేసిన సందడి, వారితో గడిపిన క్షణాలను చూసి అభిమానులు మురిసిపోతున్నారు. ఇక సినిమాల విషయానికి వస్తే, బాలయ్య ప్రస్తుతం దర్శకుడు బాబీ డైరెక్షన్‌లో NBK109 మూవీలో నటిస్తున్న సంగతి తెలిసిందే.
