టాలీవుడ్ నటుడు, నాచురల్ స్టార్ నాని హీరోగా నటించిన సరిపోదా శనివారం ఆగస్టు 29 వ తేదీన పాన్ ఇండియా భాషల్లో రిలీజ్ కానుంది. ఈ చిత్రాన్ని హీరో నాని మిగతా భాషల్లో కూడా గట్టిగానే ప్రమోట్ చేస్తున్నాడు. కేరళలో ఉన్న హీరో నాని అండ్ టీం, కొచ్చి లోని కార్థియాయిని రెస్టారెంట్ లో భోజనం చేస్తూ కనిపించారు. అందుకు సంబంధించిన ఫోటోలు సోషల్ మీడియాలో వైరల్ అవుతున్నాయి.
హీరో నానితో పాటుగా, హీరోయిన్ ప్రియాంక మోహన్ కూడా ఫోటోలో చూడవచ్చు. అక్కడ ఫేమస్ వంటకాన్ని రుచి చేస్తున్నారు. వివేక్ ఆత్రేయ దర్శకత్వంలో తెరకెక్కిన సరిపోదా శనివారం చిత్రానికి జేక్స్ బెజోయ్ సంగీతాన్ని అందించాడు. డీవీవీ ఎంటర్టైన్మెంట్ బ్యానర్ పై నిర్మించిన ఈ చిత్రం లో ఎస్.జే. సూర్య కీలక పాత్రలో కనిపించనున్నాడు. ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
