బాక్సాఫీస్ దగ్గర నాని శివతాండవం షురూ..

నాచురల్ స్టార్ నాని హీరోగా యంగ్ అండ్ టాలెంటెడ్ బ్యూటీ ప్రియాంక మోహన్ హీరోయిన్ గా దర్శకుడు వివేక్ ఆత్రేయ తెరకెక్కించిన సాలిడ్ మాస్ ఎంటర్టైనర్ చిత్రం “సరిపోదా శనివారం” ఈ గురువారం రిలీజ్ తో థియేటర్స్ లోకి వచ్చిన సంగతి తెలిసిందే. మరి సాలిడ్ బజ్ నడుమ విడుదలకి వచ్చిన ఈ చిత్రం టాక్ అందుకుంటే నాని ఇక తన పని తాను చేసుకుంటూ వెళ్ళిపోతాడని ట్రేడ్ వర్గాల వారు అభిప్రయపడ్డారు.

మరి అనుకున్నట్టుగా ఈ చిత్రానికి మొదటి ఆట నుంచే సాలిడ్ టాక్ పడిపోయింది. దీనితో మిగతా షోస్ అన్నీ మరింత స్థాయిలో పికప్ అయ్యాయి. అల్రెయ్ యూఎస్ మార్కెట్ లో కూడా సరిపోదా శనివారం అదరగొడుతుండగా ఇప్పుడు తెలుగు స్టేట్స్ లో కూడా బాక్సాఫీస్ దగ్గర శివతాండవం మొదలు పెట్టింది అని చెప్పాలి. అలాగే నాని కూడా చాలా కాన్ఫిడెన్స్ గా తన పోస్టర్ ని కూడా పోస్ట్ చేసాడు. దీనితో డే 1 మాత్రం గట్టిగానే ఉండేలా ఉందని చెప్పాలి. ఇక ఈ చిత్రానికి జేక్స్ బిజోయ్ సంగీతం అందించగా డీవీవీ ఎంటర్టైన్మెంట్స్ వారు నిర్మాణం వహించిన సంగతి తెలిసిందే.