నాచురల్ స్టార్ నాని హీరోగా నటించిన లేటెస్ట్ యాక్షన్ ఎంటర్టైనర్ సరిపోదా శనివారం ఆగస్టు 29 వ తేదీన థియేటర్లలో రిలీజ్ కి రెడీ అవుతోంది. రిలీజ్ డేట్ దగ్గర పడుతున్న నేపథ్యంలో మేకర్స్ ప్రమోషన్స్ ను వేగవంతం చేయడం జరిగింది. ఇప్పటికే రిలీజైన ప్రచార చిత్రాలు ప్రేక్షకులని, అభిమానులని అలరిస్తున్నాయి. తాజాగా మేకర్స్ ట్రైలర్ ను లాంఛ్ చేశారు. అయితే హైదరాబాద్ లోని సుదర్శన్ 35 ఎంఎం లో ట్రైలర్ లాంఛ్ చేశారు. ఈ కార్యక్రమంలో హీరో నాని మాట్లాడుతూ, పలు ఆసక్తికర వ్యాఖ్యలు చేశారు.
సుదర్శన్ కి ఒక స్పెషల్ హిస్టరీ ఉంది. మనందరికీ ఈ థియేటర్ చాలా స్పెషల్. జెర్సీ ఇక్కడే చూశాను. దసరా మార్నింగ్ షో ఇక్కడే చూశాను. యాక్టర్ కాకముందు కూడా ఎన్నో సినిమాలు చూసాను ఇక్కడ. ఈ సుదర్శన్ మీలో ఒకడిగా చూసింది. మీ ముందు స్టేజ్ పై కూడా చూసింది. ట్రైలర్ ను వివేక్ చూపించిన వెంటనే, ఇది ఫోన్ లోనో, ఇంట్లోనో, ఫ్రెండ్స్ మధ్యనో చూడటం కాదు. మా వాళ్ళతో కలిసి, సుదర్శన్ 35 ఎంఎం లో చూడాలని అప్పుడే ఫిక్స్ అయ్యాను. ఈరోజు జరిగినందుకు చాలా సంతోషం గా ఉంది అని అన్నారు.
