తెలుగు సినీ పరిశ్రమలో హీరో నాని మంచి కథలతో సినిమాలు చేస్తూ ప్రేక్షకులను, అభిమానులని అలరిస్తున్నాడు. నాచురల్ స్టార్ నాని సక్సెస్ రేట్ కూడా ఇండస్ట్రీలో చాలా బాగుంది. ఈ హీరో గతేడాది రెండు చిత్రాలతో అలరించాడు. ఈ ఏడాది సరిపోదా శనివారం తో ఈ నెల ప్రేక్షకుల ముందుకు రాబోతున్నాడు. కమిట్ అయిన చిత్రాలు ఇంకా ఉన్నాయి.
అయితే గతంలో హను రాఘవపూడి తో కృష్ణగాడి వీరప్రేమగాథ చిత్రాన్ని చేశాడు. ఈ చిత్రం మంచి విజయం సాధించింది. వీరిద్దరి కాంబినేషన్ లో మరో చిత్రం రావాల్సి ఉంది. అయితే ప్రభాస్ తో హను రాఘవపూడి సినిమాను ప్రకటించిన సంగతి తెలిసిందే. ఇటీవల పూజ కార్యక్రమాలతో ప్రారంభం అయ్యింది. అయితే నాని కోసం రెడీ చేసిన కథను ప్రభాస్ చిత్రం కోసం చేస్తున్నాడు అంటూ కొన్ని పుకార్లు వచ్చాయి. అవి వాస్తవం కాదు అని తెలుస్తోంది. హీరో నాని కోసం రెడీ చేసిన కథ వేరే, ఇది వేరే అని సమాచారం. ప్రస్తుతం హను రాఘవపూడి ప్రీ ప్రొడక్షన్ వర్క్ తో బిజీగా ఉన్నాడు. వచ్చే నెల సినిమా షూటింగ్ ప్రారంభం కానుంది.