కన్నడ స్టార్ హీరో శివరాజ్ కుమార్ నటించిన ‘భైరతి రణగల్’ చిత్రం కన్నడనాట ఇప్పటికే రిలీజ్ అయ్యి మంచి విజయాన్ని అందుకుంది. అయితే, తెలుగులో ఈ సినిమాను త్వరలోనే రిలీజ్ చేసేందుకు మేకర్స్ రెడీ అవుతున్నారు. గతంలో వచ్చిన బ్లాక్‌బస్టర్ మూవీ ‘మఫ్తీ’కి ప్రీక్వెల్‌గా ఈ ‘భైరతి రణగల్’ మూవీ తెరకెక్కింది.
దర్శకుడు నర్తన్ డైరెక్ట్ చేసిన ఈ సినిమాకు సంబంధించిన తెలుగు ట్రైలర్‌ను న్యాచురల్ స్టార్ నాని చేతుల మీదుగా లాంచ్ చేయనున్నారు. ఈ ట్రైలర్‌ను నవంబర్ 24న ఉదయం 11.11 గంటలకు డిజిటల్‌గా రిలీజ్ చేయనున్నట్లు మేకర్స్ వెల్లడించారు. దీంతో ఈ సినిమా ట్రైలర్ ఎలా ఉండబోతుందా అనే ఆసక్తి క్రియేట్ అవుతోంది. ఇక ఈ సినిమాలో రాహుల్ బోస్, నానా పటేకర్, రుక్మిణి వసంత్, అవినాష్, యోగి బాబు తదితరులు ఇతర ముఖ్య పాత్రల్లో నటించారు.
ఈ సినిమాను గీతా పిక్చర్స్ బ్యానర్‌పై గీతా శివరాజ్ కుమార్ ప్రొడ్యూస్ చేశారు. ఏపీ, తెలంగాణ రాష్ట్రాల్లో ఈ చిత్రాన్ని మైరా క్రియేషన్స్ బ్యానర్ రిలీజ్ చేయనుంది.
