టాలీవుడ్ ప్రముఖ నటుడు, నాచురల్ స్టార్ నాని ప్రధాన పాత్రలో నటిస్తున్న లేటెస్ట్ మూవీ సరిపోదా శనివారం. దర్శకుడు వివేక్ ఆత్రేయ దర్శకత్వంలో తెరకెక్కిన ఈ యాక్షన్ ఎంటర్టైనర్ లో ప్రియాంక మోహన్ హీరోయిన్ గా నటిస్తుంది. ఆగస్టు 29, 2024 న వరల్డ్ వైడ్ గా థియేటర్లలో రిలీజ్ కి రెడీ అయిపోయిన ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. రిలీజ్ డేట్ కి దగ్గర పడుతుండటంతో మేకర్స్ ప్రమోషన్స్ ను మరింత వేగవంతం చేశారు.
సినిమా నుండి రిలీజైన ప్రచార చిత్రాలు మంచి హైప్ ను క్రియేట్ చేశాయి. అయితే ఈ చిత్రాన్ని యూఎస్ ప్రాంతంలో డిస్ట్రిబ్యూట్ చేస్తున్న ప్రత్యంగిరా సినిమాస్ ఒక ఇంట్రెస్టింగ్ పోస్ట్ ను చేసింది. ప్రీ సేల్స్ తో నాని దూకుడు ప్రదర్శిస్తున్నట్లు పేర్కొంది. అంతేకాక ఈ చిత్రం తో మరో బ్లాక్ బస్టర్ కి నాని రెడీ అవుతున్నాడు అని చెప్పుకొచ్చింది. జేక్స్ బెజోయ్ సంగీతం అందించిన ఈ చిత్రంలో ఎస్.జే. సూర్య కీలక పాత్రలో నటిస్తున్నారు.
