నాచురల్ స్టార్ నాని ప్రధాన పాత్రలో, దర్శకుడు వివేక్ ఆత్రేయ దర్శకత్వంలో తెరకెక్కిన సరిపోదా శనివారం చిత్రం నేడు వరల్డ్ వైడ్ గా థియేటర్లలోకి వచ్చింది. నిన్న నార్త్ అమెరికాలో ప్రీమియర్ షోల ద్వారా ప్రేక్షకుల ముందుకు వచ్చింది. ఈ చిత్రానికి సంబంధించిన ప్రీమియర్ షో వసూళ్ల వివరాలను డిస్ట్రిబ్యూటర్స్ తాజాగా ఒక పోస్ట్ లో వెల్లడించారు. ఈ చిత్రం నాని కెరీర్ లో సెకండ్ హయ్యెస్ట్ ప్రీమియర్ షోల గ్రాసర్ గా నిలిచినట్లు తెలిపారు.
ప్రీమియర్ షోల ద్వారా 548కే డాలర్లకు పైగా వసూళ్లు రాబట్టింది. ఇది సూపర్ రెస్పాన్స్ అని చెప్పాలి. రేపు డే 1 వరల్డ్ వైడ్ వసూళ్ల వివరాలు వెల్లడి కానున్నాయి. ఇక ప్రియాంక మోహన్ హీరోయిన్ గా నటించిన ఈ యాక్షన్ ఎంటర్టైనర్ లో విలక్షణ నటుడు ఎస్ జే సూర్య విలన్ పాత్రలో నటించాడు. జేక్స్ బెజోయ్ ఈ చిత్రానికి సంగీతాన్ని అందించాడు.
