నాచురల్ స్టార్ నాని హీరోగా నటించిన సరిపోదా శనివారం చిత్రం ప్రేక్షకులని, అభిమానులని బాగా అలరిస్తోంది. బాక్సాఫీస్ వద్ద భారీ వసూళ్లతో దూసుకు పోతున్న ఈ చిత్రం త్వరలో 100 కోట్ల రూపాయల క్లబ్ లో చేరే అవకాశాలు కనిపిస్తున్నాయి. ఈ చిత్రం సాధించిన విజయం పట్ల మేకర్స్ ఒక గ్రాండ్ ఈవెంట్ ను ప్లాన్ చేస్తున్నారు.
విజయ వేడుక పేరిట నిర్వహించనున్న ఈ సక్సెస్ మీట్ కి ముహూర్తం ను ఖరారు చేసారు. సెప్టెంబర్ 5 వ తేదీన హైదరాబాద్ లోని శిల్పకళా వేదికలో ఈ ఈవెంట్ జరగనుంది. ఇదే విషయాన్ని మేకర్స్ పోస్టర్ ద్వారా వెల్లడించారు. ప్రియాంక మోహన్, ఎస్.జే. సూర్య కీలక పాత్రల్లో నటించిన ఈ చిత్రానికి జేక్స్ బెజోయ్ సంగీతాన్ని అందించాడు.