టాలీవుడ్‌లో తెరకెక్కుతున్న మల్టీస్టారర్ చిత్రాల్లో ‘భైరవం’ ఇప్పటికే ప్రేక్షకుల దృష్టిని ఆకట్టుకుంది. ఈ సినిమాను దర్శకుడు విజయ్ కనకమేడల డైరెక్ట్ చేస్తుండటంతో ప్రేక్షకుల్లో ఈ సినిమాపై మంచి పాజిటివ్ వైబ్స్ క్రియేట్ అవుతున్నాయి. ఇక ఈ సినిమా నుండి రీసెంట్‌గా హీరో బెల్లంకొండ శ్రీనివాస్ ఫస్ట్ లుక్ పోస్టర్‌ని మేకర్స్ రిలీజ్ చేశారు.
ఈ ఫస్ట్ లుక్ పోస్టర్‌కి అదిరిపోయే రెస్పాన్స్ దక్కింది. అంతేగాక, టైటిల్ విషయంలోనూ ప్రేక్షకులు ఆసక్తిగా ఉన్నారు. ఇక ఈ సినిమా నుండి తాజాగా మరో హీరో నారా రోహిత్‌కి సంబంధించిన ఫస్ట్ లుక్ పోస్టర్‌ని మేకర్స్ రిలీజ్ చేశారు. ఈ సినిమాలో నారా రోహిత్ ‘వరదా’ అనే పవర్‌ఫుల్ పాత్రలో నటిస్తున్నాడు. పూర్తి యాక్షన్ మోడ్‌లో ఉన్న నారా రోహిత్ ఈ సినిమాలో సరికొత్త లుక్‌తో కనిపిస్తున్నాడు.
ఇక ఈ సినిమాలో మరో నటుడు మంచు మనోజ్ కూడా నటిస్తున్నాడు. త్వరలోనే ఆయన పాత్రకు సంబంధించిన ఫస్ట్ లుక్ పోస్టర్‌ని కూడా మేకర్స్ రిలీజ్ చేయనున్నారు. ఈ సినిమాను శ్రీ సత్యసాయి ఆర్ట్స్ బ్యానర్‌పై కె.కె.రాధామోహన్ ప్రొడ్యూస్ చేస్తున్నారు. శ్రీచరణ్ పాకాల ఈ చిత్రానికి సంగీతం అందిస్తున్నాడు.