స్టార్ హీరో క‌మ‌ల్ హాసన్ రీసెంట్ గా ‘భార‌తీయుడు-2’ సినిమాతో ప్రేక్ష‌కుల ముందుకు వ‌చ్చాడు. అయితే, ఈ సినిమా బాక్సాఫీస్ ద‌గ్గ‌ర ఫ్లాప్ గా నిలివ‌డంతో అభిమానులు తీవ్ర నిరాశ‌కు లోన‌య్యారు. ఇక ప్ర‌స్తుతం త‌న నెక్ట్స్ మూవీపై ఫోక‌స్ పెట్టాడు ఈ స్టార్ హీరో. ద‌ర్శ‌కుడు మ‌ణిర‌త్నం డైరెక్ష‌న్ లో ‘థ‌గ్ లైఫ్’ అనే ఇంట్రెస్టింగ్ ప్రాజెక్టులో క‌మ‌ల్ న‌టిస్తున్నాడు.

ఇప్ప‌టికే ఈ సినిమా ఫ‌స్ట్ లుక్ పోస్ట‌ర్స్ ఈ సినిమాపై అంచ‌నాల‌ను క్రియేట్ చేశాయి. స‌రికొత్త లుక్ లో క‌మ‌ల్ క‌నిపిస్తుండ‌టంతో ఈ మూవీ ఎలా ఉండ‌బోతుందా అనే ఆస‌క్తి నెల‌కొంది. ఇక తాజాగా ఈ సినిమాలోకి విల‌క్ష‌ణ నటుడు నాజ‌ర్, న‌టి అభిరామి కూడా జాయిన్ అయ్యారు. ఈ సంద‌ర్భంగా మేక‌ర్స్ వారిని సినిమాలోకి స్వాగ‌తం ప‌లికారు.

‘థ‌గ్ లైఫ్’ సినిమాలో భారీ క్యాస్టింగ్ న‌టిస్తోంది. ఇందులో పంక‌జ్ త్రిపాఠి, శింబు, అలీ ఫ‌జ‌ల్, అశోక్ సెల్వ‌న్, జోజు జార్జ్, త్రిష‌, ఐశ్వ‌ర్య ల‌క్ష్మి త‌దిత‌రులు ముఖ్య పాత్ర‌ల్లో న‌టిస్తున్నారు. ఏఆర్.రెహ‌మాన్ సంగీతం అందిస్తున్న ఈ సినిమాను రాజ్ క‌మ‌ల్ ఫిలింస్ ఇంట‌ర్నేష‌న‌ల్, మద్రాస్ టాకీస్, రెడ్ జియాంట్ మూవీస్ బ్యాన‌ర్లు సంయుక్తంగా ప్రొడ్యూస్ చేస్తున్నాయి.