స్టార్ బ్యూటీ న‌య‌న‌తార ప్ర‌స్తుతం చాలా సెలెక్టివ్ గా సినిమాలు చేస్తోంది. ఆమె న‌టించే సినిమాల కోసం మూవీ ల‌వ‌ర్స్ ఎంతో ఆస‌క్తిగా ఎదురుచూస్తున్నారు. ఇక ఇప్ప‌టికే బిగ్ బాస్ ఫేం కెవిన్ హీరోగా నటించ‌బోతున్న ఓ సినిమాలో న‌య‌నతార న‌టించ‌బోతున్న‌ట్లు కోలీవుడ్ వ‌ర్గాల్లో టాక్ వినిపిస్తోంది.

ఈ సినిమాను డెబ్యూటంట్ విష్ణు ఇడ‌వ‌న్ డైరెక్ట్ చేయ‌నున్నాడు. ఇక ఈ సినిమాలో న‌య‌న‌తార పాత్ర‌కు సంబంధించి ఓ ఇంట్రెస్టింగ్ బ‌జ్ వినిపిస్తోంది. ఈ సినిమాలో న‌య‌న్ కెవిన్ కంటే వ‌య‌సులో పెద్ద‌దిగా ఉంటుంద‌ట‌. అయినా కూడా కెవిన్ ను ప్రేమించే పాత్ర‌లో న‌య‌న్ రెచ్చిపోయి న‌టించ‌బోతున్న‌ట్లుగా చిత్ర వ‌ర్గాలు చెబుతున్నాయి.

లోకేశ్ క‌న‌గ‌రాజ్ శిష్యుడైన విష్ణు ఇడ‌వ‌న్ ఈ సినిమాను రొమాంటిక్ ఎంట‌ర్టైన‌ర్ గా తెర‌కెక్కించ‌బోతున్నాడు. ఈ సినిమాకు అనిరుధ్ ర‌విచంద‌ర్ సంగీతం అందిస్తుండ‌గా న‌య‌న్ భ‌ర్త విఘ్నేష్ శివ‌న్ ఈ సినిమాను ప్రొడ్యూస్ చేయ‌నున్నాడు. దీంతో న‌య‌న్ అభిమానులు ఈ సినిమా కోసం ఆస‌క్తిగా ఎదురుచూస్తున్నారు.