కొత్త పోస్టర్ తో “NBK 109” టీం బాలయ్యకి స్పెషల్ విషెస్

మన టాలీవుడ్ సినిమా దగ్గర ఉన్నటువంటి లెజెండరీ సీనియర్ నటుల్లో నందమూరి నటసింహం నందమూరి బాలకృష్ణ కూడా ఒకరు. మరి బాలయ్య తెలుగు సినిమాలోకి పరిచయం అయ్యి 50 ఏళ్ళు పూర్తి చేసుకొని ఒక అరుదైన ఘట్టాన్ని తన జీవితంలో ఇంకా తెలుగు సినిమా దగ్గర పూర్తి చేసుకున్నారు. దీనితో అభిమానులు ఈ అరుదైన అంశాన్ని ప్రతిష్టాత్మకంగా తీసుకొని వేడుక చేసుకుంటున్నారు.

అయితే బాలయ్య 50 ఏళ్ల సినీ ప్రస్థానంపై ఇప్పుడు తనతో పని చేస్తున్న నిర్మాణ సంస్థ సితార ఎంటర్టైన్మెంట్స్ వారు ఇంట్రెస్టింగ్ పోస్ట్ పెట్టి తమ శుభాకాంక్షలు అందించారు. “కొంతమంది రూల్ చెయ్యాలంటే కిరీటం కావాలి, కానీ బాలయ్యకి తన చిరు నవ్వు చాలు” అంటూ గాడ్ ఆఫ్ మాసెస్ బాలయ్య గారికి ఇండస్ట్రీలో 50 ఏళ్ళు పూర్తి చేసుకున్నందుకు గాను తమ NBK 109 టీం నిండు మనస్సుతో శుభాకాంక్షలు తెలియజేస్తున్నాము అని ఇంట్రెస్టింగ్ పోస్టర్ తో తెలియజేసారు. దీనితో ఈ కొత్త పోస్టర్ ఫ్యాన్స్ లో వైరల్ గా మారింది.