నందమూరి బాలకృష్ణ నటిస్తున్న లేటెస్ట్ మూవీ ‘NBK109’ ఇప్పటికే ప్రేక్షకుల్లో సాలిడ్ అంచనాలను క్రియేట్ చేసింది. ఈ సినిమాను దర్శకుడు బాబీ పూర్తి యాక్షన్ ఎంటర్‌టైనర్‌గా తెరకెక్కిస్తుండగా, ఇప్పటికే రిలీజ్ అయిన పోస్టర్స్, గ్లింప్స్ ఈ సినిమాపై అంచనాలను పెంచేశాయి.
ఇక ఈ సినిమా రిలీజ్‌కు ముందే నిర్మాతలకు నష్టం తెచ్చినట్లుగా సినీ సర్కిల్స్‌లో టాక్ వినిపిస్తోంది. ఈ సినిమాకు సంబంధించిన రిలీజ్ డేట్‌ను పలుమార్లు వాయిదా వేయడం వల్ల ఈ నష్టం కలిగిందట. ఈ చిత్రానికి సంబంధించిన ఓటీటీ రైట్స్‌ను మంచి ఫ్యాన్సీ రేటుకు ప్రముఖ ఓటీటీ ప్లాట్‌ఫామ్ దక్కించుకుందట. అయితే, ఇప్పుడు సినిమా రిలీజ్ విషయంలో మేకర్స్ డేట్లు మార్చడంతో ఓటీటీ రైట్స్‌లో రూ.5 కోట్ల మేర కోత విధించారట.
అయినా కూడా నిర్మాతలు ఈ సినిమా కంటెంట్‌పై నమ్మకంతో తాము అనుకున్న సంక్రాంతి బరిలోనే సినిమాను రిలీజ్ చేయాలని ఫిక్స్ అయ్యారట. ఈ సినిమాలో ఊర్వశి రౌతేలా హీరోయిన్‌గా నటిస్తుండగా థమన్ ఈ సినిమాకు సంగీతాన్ని అందిస్తున్నాడు.