మ్యాన్ ఆఫ్ మాసెస్ ఎన్టీఆర్ రీసెంట్‌గా ‘దేవర’ మూవీతో బ్లక్‌బస్టర్ హిట్ అందుకున్నాడు. ఈ సినిమాను దర్శకుడు కొరటాల శివ డైరెక్ట్ చేయగా, పూర్తి రివెంజ్ యాక్షన్ డ్రామాగా ఇది ప్రేక్షకులను ఆకట్టుకుంది. ఇక ఈ సినిమాలో ఎన్టీఆర్ పర్ఫార్మెన్స్‌కి ప్రేక్షకులు ఫిదా అయ్యారు. కాగా, ప్రస్తుతం ఆయన తన నెక్స్ట్ చిత్రాలపై ఫోకస్ పెట్టారు.
ఈ క్రమంలోనే ఎన్టీఆర్‌తో తమిళ డైరెక్టర్ నెల్సన్ కూడా ఓ సినిమా చేయబోతున్నట్లుగా సినీ సర్కిల్స్‌లో వార్తలు చక్కర్లు కొడుతున్నాయి. తమిళంలో బీస్ట్, జైలర్ వంటి బ్లాక్‌బస్టర్ చిత్రాలను తెరకెక్కించిన నెల్సన్, త్వరలోనే ఓ సినిమా చేసేందుకు ప్రయత్నాలు చేస్తున్నట్లు తెలుస్తోంది.
ఇప్పటికే ఎన్టీఆర్‌కి నెల్సన్ ఓ స్టోరీలైన్ వినిపించగా, తారక్ దానికి ఫిదా అయ్యాడని తెలుస్తోంది. ఇక ప్రస్తుతం తారక్ ‘వార్-2’ మూవీతో పాటు ప్రశాంత్ నీల్ డైరెక్షన్‌లో రాబోయే సినిమాలోనూ నటించేందుకు సిద్ధమవుతున్నాడు.
