యువ నటుడిగా వరుసగా మంచి సినిమాలు చేస్తూ కొనసాగుతున్న కిరణ్ అబ్బవరం, లేటెస్ట్ మూవీ నేను మీకు బాగా కావాల్సిన వాడిని మూవీ ద్వారా ప్రేక్షకుల ముందుకి వచ్చారు. శ్రీధర్ గాదె దర్శకత్వంలో తెరకెక్కిన ఈ సినిమా మంచి రొమాంటిక్ ఫ్యామిలీ యాక్షన్ ఎంటర్టైనర్ గా రూపొంది అన్ని వర్గాల ఆడియన్స్ ని ఆకట్టుకుంది.
సంజన ఆనంద్, సోను ఠాకూర్ హీరోయిన్స్ గా నటించిన ఈ మూవీలో ఎస్వీ కృష్ణారెడ్డి, గౌతమ్ రాజు, సమీర్, బాబా భాస్కర్ తదితరులు ఇతర పాత్రలు చేసారు. ఈ మూవీకి మణిశర్మ సంగీతం అందించగా కోడి దివ్య ఎంటర్టైన్మెంట్స్ బ్యానర్ పై దివంగత దర్శకుడు కోడి రామకృష్ణ కుమార్తె కోడి దీప్తి దీనిని ఎంతో గ్రాండ్ గా నిర్మించారు. విషయం ఏమిటంటే, నేను మీకు బాగా కావాల్సిన వాడిని మూవీ అక్టోబర్ 14 నుండి ప్రముఖ ఒటిటి మాధ్యమాలు అమేజాన్ ప్రైమ్, ఆహా ద్వారా బుల్లితెర ఆడియన్స్ ముందుకి రానుంది. ఈ విషయమై కొద్దిసేపటి క్రితం అఫీషియల్ గా ప్రకటన వచ్చింది.
