మెగా కంపౌండ్ నుంచి వస్తున్న మరో యంగ్ హీరో పవన్ తేజ్ కొణిదెల హీరోగా మేఘన హీరోయిన్ గా అభిరామ్ ఎమ్ దర్శకత్వంలో తెరకెక్కిన తాజా చిత్రం “ఈ కథలో పాత్రలు కల్పితం”. టైటిల్ మరి పోస్టర్స్ తో డీసెంట్ బజ్ ను ఏర్పర్చుకున్న ఈ చిత్రం తాలూకా టీజర్ లేటెస్ట్ గా మెగా బ్రదర్ నాగబాబు చేతుల మీదుగా విడుదల అయ్యింది.
మరి ఈ టీజర్ ను గమనిస్తే టైటిల్ కు తగ్గట్టుగా అలాగే వీరు చెప్పినట్టుగానే థ్రిల్లింగ్ ఎలిమిమెంట్స్ ను చూపే ప్రయత్నం ఇందులో చేశారు. మిస్టరీగా మారిన ఓ పోలీస్ కేసుకు కొంతమంది అమ్మాయిలు లింకప్ అయ్యి ఉన్నారు అన్నట్టుగా చూపించారు. మరి ఈ మిస్టరీకు హీరో పవన్ తేజ్ ఎలా లింక్ అయ్యాడో అన్నట్టుగా టీజర్ లో కనిపిస్తుంది.
ఇక పవన్ తేజ్ విషయానికి వస్తే యంగ్ అండ్ డైనమిక్ గా కనిపిస్తున్నాడు. అలాగే ఫైట్ సీన్స్ లో కూడా ఈజ్ నటన కనబడుతుంది. అలాగే ఈ టీజర్ ను చూస్తే గ్లామరస్ డోస్ కూడా కాస్త ఎక్కువ ఉన్నట్టే కనిపిస్తుంది. అలాగే కార్తీక్ కొడకండ్ల ఇచ్చిన బ్యాక్గ్రౌండ్ స్కోర్ మరియు సునీల్ ఇచ్చిన సినిమాటోగ్రఫీలు డీసెంట్ గా ఉన్నాయి.
కానీ టీజర్ ను దర్శకుడు అభిరామ్ ఎమ్ ఇంకా బాగా డిజైన్ చేసి ఉంటే బాగున్ను అనిపిస్తుంది. ఓవరాల్ గా టీజర్ మాత్రం అటు ఎక్కువా కాదు తక్కువా కాదు అని చెప్పొచ్చు. మరి ఈ థ్రిల్లర్ ఎంటర్టైనర్ ఎప్పుడు విడుదల అవుతుంది అన్నది ఇంకా ప్రకటించలేదు.
టీజర్ కోసం ఇక్కడ క్లిక్ చెయ్యండి