గ్లోబల్ స్టార్ రామ్ చరణ్ నటిస్తున్న లేటెస్ట్ మూవీ ‘గేమ్ ఛేంజర్’ కోసం ప్రేక్షకులు ఎంత ఆసక్తిగా ఉన్నారో అందరికీ తెలిసిందే. ఈ సినిమాను దర్శకుడు శంకర్ తెరకెక్కిస్తుండటంతో అభిమానుల్లో ఈ సినిమాపై బజ్ నెక్స్ట్ లెవెల్‌లో క్రియేట్ అయ్యింది. ఇక ఈ సినిమాను సంక్రాంతి కానుకగా రిలీజ్ చేస్తుండటంతో ప్రేక్షకులు ఈ సినిమాను చూసేందుకు రెడీ అవుతున్నారు.

ఈ సినిమా ప్రమోషన్స్‌ను వేగవంతం చేశారు మేకర్స్. జనవరి 2న ఈ సినిమా ట్రైలర్‌ను గ్రాండ్‌గా లాంచ్ చేసేందుకు మేకర్స్ రెడీ అయ్యారు. అయితే, ఈ సినిమాలో రామ్ చరణ్ రెండు పాత్రల్లో నటిస్తున్నాడని.. అందులో ఒకటి ఫ్లాష్‌బ్యాక్‌లో వచ్చే పాత్ర.. మరొకటి ఐఏఎస్ పాత్ర అని ఇప్పటివరకు చిత్ర యూనిట్ చెబుతూ వచ్చింది. తాజాగా ఈ సినిమాలో రామ్ చరణ్ ఐపీఎస్‌గా కనిపించబోతున్నట్లు ఓ పోస్టర్‌ను చిత్ర యూనిట్ రిలీజ్ చేసింది.

దీంతో అసలు ఈ సినిమాలో రామ్ చరణ్ ఎన్ని పాత్రల్లో కనిపిస్తాడా అనే చర్చ సాగుతోంది. దర్శకుడు శంకర్ ఏదో గట్టిగా ప్లాన్ చేశాడని అభిమానులు అంటున్నారు. మొత్తానికి ఒక్క పోస్టర్‌తో ‘గేమ్ ఛేంజర్’ను మళ్లీ హాట్ టాపిక్‌గా మార్చేశారు మేకర్స్.