రామ్ పోతినేని మరియు పూరీ జగన్నాథ్ కాంబినేషన్ లో వస్తున్న యాక్షన్ ఎంటర్టైనర్ డబుల్ ఇస్మార్ట్. ఈ చిత్రం గతంలో రిలీజైన ఇస్మార్ట్ శంకర్ చిత్రానికి సీక్వెల్ గా తెరకెక్కింది. మరో కొద్ది గంటల్లో ప్రేక్షకుల ముందుకి రాబోతున్న ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. రిలీజ్ కి రెడీ అయిపోయిన నేపథ్యంలో మేకర్స్ సినిమా నుండి మాస్ పోస్టర్ ను విడుదల చేసారు.
గల్లీ గల్లీలో లొల్లి చేసేలా, మిండెడి వేట షురూ అంటూ క్యాప్షన్ తో అలరించారు. రిలీజ్ చేసిన కొత్త పోస్టర్, సినిమాలోని కీలక యాక్షన్ సన్నివేశానికి సంబందించినది అయ్యి ఉంటుంది. కావ్య థాపర్ హీరోయిన్ గా నటించిన ఈ చిత్రంలో బాలీవుడ్ నటుడు సంజయ్ దత్ కీలక పాత్రలో కనిపించనున్నాడు. మెలోడీ బ్రహ్మ మణిశర్మ సంగీతం అందిస్తున్న ఈ చిత్రంపై అందరిలో ఆసక్తి నెలకొంది.
