స్టార్ డైరెక్టర్ కొరటాల శివ దర్శకత్వంలో ‘యంగ్ టైగర్ ఎన్టీఆర్’ హీరోగా రాబోతున్న పాన్ ఇండియా సినిమా ‘దేవర పార్ట్ 1’. ఈ చిత్రంలో జాన్వీ కపూర్ హీరోయిన్ గా నటిస్తోంది. ఐతే, దేవర సెట్స్ లో ఆయుధ పూజ జరుగుతుంది అంటూ చిత్రబృందం పవర్ఫుల్ గా డిజైన్ చేసిన ఓ కొడవలి కత్తిని రివీల్ చేస్తూ పోస్టర్ ను వదిలిన సంగతి తెలిసిందే. ఇప్పుడు, ఈ కత్తి నేపథ్యంలోనే యాక్షన్ సీక్వెన్స్ ను తీస్తున్నారు. పైగా ఈ సీక్వెన్స్ లోనే ఎన్టీఆర్ రెండో పాత్ర రివీల్ కాబోతుంది.
ఈ పాత్ర ఎలివేషన్ ఓ రేంజ్ లో ఉంటుందని.. ముఖ్యంగా తారక్ కత్తి పట్టి నరుక్కుంటూ వెళ్లే షాట్స్ చాలా వైల్డ్ గా అద్భుతమైన విజువల్ వండర్ గా ఉంటాయని తెలుస్తోంది. మొత్తానికి పవర్ఫుల్ గా డిజైన్ చేసిన ఈ కొడవలి కత్తితో ఎన్టీఆర్ బాక్సాఫీస్ దగ్గర ఎన్ని రికార్డ్స్ క్రియేట్ చేస్తాడో చూడాలి. మొత్తమ్మీద దేవర సినిమాపై రోజురోజుకూ అంచనాలు పెరుగుతున్నాయి. అనిరుధ్ రవిచందర్ సంగీత దర్శకుడిగా వ్యవహరిస్తున్న ఈ సినిమాలో షైన్ టామ్ చాకో, ప్రకాష్ రాజ్, శ్రీకాంత్ తదితరులు కీలక పాత్రల్లో నటిస్తున్నారు.
