సెన్సేషనల్ డైరెక్టర్ ప్రశాంత్ నీల్ దర్శకత్వంలో ఎన్టీఆర్ ఓ సినిమా చేస్తున్న సంగతి తెలిసిందే. ఇప్పటికే, పూజా కార్యక్రమాలతో ఈ సినిమాను లాంచ్ చేశారు. పైగా సంక్రాంతి కానుకగా 2026 జనవరి 9న ఈ సినిమాను వరల్డ్ వైడ్ గా గ్రాండ్ గా రిలీజ్ చేయబోతున్నారు. పైగా ‘దేవ‌ర‌’ హ‌డావుడి తగ్గడంతో ఎన్టీఆర్ ఇప్పుడు తన తర్వాత సినిమాలపై ఫోకస్ పెట్టాడు. ఆల్ రెడీ, ‘వార్ 2’ షూటింగ్ స్టార్ట్ చేశాడు. ఐతే, తాజాగా ‘ఎన్టీఆర్ – ప్రశాంత్ నీల్’ సినిమా పై ఓ క్రేజీ న్యూస్ వినిపిస్తోంది.

ఈ సినిమా కోసం ప్రశాంత్ నీల్ కొత్త నేపథ్యాన్ని తీసుకున్నారని.. తారక్ పాత్రతో పాటు సినిమాలో మరో స్పెషల్ పాత్ర కూడా ఉంటుందని.. ఈ నెగిటివ్ పాత్రలో మరో హీరో కనిపించే అవకాశం ఉందని టాక్ నడుస్తోంది. మరి ఈ వార్తలో ఎంత వాస్తవం ఉందో చూడాలి. ఇక నవంబర్ లాస్ట్ వీక్ నుండి ఈ సినిమా షూట్ ని ప్రశాంత్ నీల్ స్టార్ట్ చేయబోతున్నట్లు తెలుస్తోంది. ఐతే, ఎన్టీఆర్ మాత్రం జనవరి మూడో వారం తర్వాతే ఈ సినిమా సెట్స్ పైకి రానున్నాడట. అప్పటివరకూ ‘వార్ -2’ సినిమా షూట్ చేస్తాడట. మొత్తానికి భారీ బడ్జెట్ తో తెరకెక్కుతున్న ‘ప్రశాంత్ నీల్ – ఎన్టీఆర్’ సినిమా గురించి నిత్యం ఏదొక రూమర్ వినిపిస్తూనే ఉంది.