నిఖిల్ సిద్ధార్థ్ ప్రధాన పాత్రలో రాబోతున్న తెలుగు రొమాంటిక్ యాక్షన్ డ్రామా ‘అప్పుడో ఇప్పుడో ఎప్పుడో’. సుధీర్ వర్మ దర్శకత్వం వహించిన ఈ చిత్రం ఈ శుక్రవారం ప్రేక్షకుల ముందుకు రానుంది, ఈ రోజు ట్రైలర్ విడుదల కానుంది. శాండల్‌వుడ్ బ్యూటీ రుక్మిణి వసంత్ టాలీవుడ్ అరంగేట్రం చేస్తున్న సినిమా ఇది. ఐతే, ఈ సినిమా ప్రేక్షకులను కచ్చితంగా అలరిస్తుందని నిఖిల్ తన ప్రమోషనల్ ఇంటర్వ్యూలో చెప్పుకొచ్చారు. స్వామి రారా సినిమాలో మిస్ అయిన ప్రేమకథ ఈ సినిమాలో ఉందని, ప్రేక్షకులను కట్టిపడేసేలా ఈ సినిమా స్క్రీన్‌ప్లే ఉంటుందని నిఖిల్ తెలిపారు.
నిఖిల్ ఇంకా మాట్లాడుతూ.. ‘ఈ సినిమా క్లైమాక్స్ ట్విస్ట్‌ను ఎవరూ ఊహించలేరని, అలాగే ఈ చిత్రం ప్రతి పది నిమిషాలకు ఆశ్చర్యకరమైన ట్విస్ట్‌ను అందిస్తుందని నిఖిల్ చెప్పడం విశేషం. ఈ చిత్రంలో దివ్యాంశ కౌశిక్ మరో హీరోయిన్ గా నటిస్తోంది. ఎస్‌విసిసి బ్యానర్‌పై ఈ చిత్రాన్ని బివిఎస్ఎన్ ప్రసాద్ ప్రొడ్యూస్ చేస్తున్నారు. అలాగే, ఈ చిత్రానికి కార్తీక్ సంగీతం అందిస్తున్నారు.
