టాలీవుడ్ హీరో నితిన్ నటిస్తున్న లేటెస్ట్ మూవీ ‘రాబిన్‌హుడ్’ ప్రేక్షకుల్లో మంచి బజ్ క్రియేట్ చేసింది. ఇప్పటికే షూటింగ్ శరవేగంగా జరుపుకుంటున్న ఈ సినిమాను దర్శకుడు వెంకీ కుడుముల డైరెక్ట్ చేయడంతో ఈ సినిమాపై అభిమానుల్లో మంచి అంచనాలు క్రియేట్ అయ్యాయి. ఇక ఈ చిత్రానికి సంబంధించిన పోస్టర్స్ ఈ సినిమాపై అంచనాలు పెరిగేలా చేశాయి. అయితే, తాజాగా ఈ మూవీ టీజర్‌ని మేకర్స్ రిలీజ్ చేశారు.
ఆద్యంతం ఆకట్టుకునే యాక్షన్ ఎలిమెంట్స్‌తో ఈ టీజర్ కట్ ఉంది. రాబిన్‌హుడ్ పాత్రలో నితిన్ సాలిడ్ పర్ఫార్మెన్స్ ఇవ్వనున్నట్లు ఈ టీజర్ చూస్తే అర్థమవుతోంది. అతడు చేసే దొంగతనాలు ఈ సినిమాలో వేరే లెవెల్‌లో చూపెట్టనున్నట్లు ఈ టీజర్ కట్ చెబుతోంది. పలు వైవిధ్యమైన గెటప్స్‌లో నితిన్ ఆడియెన్స్‌ను ఇంప్రెస్ చేయనున్నాడు. ఈ సినిమాలో అతడు ఏజెంట్‌గా ఉంటూనే దొంగతనాలు చేయనున్నాడని తెలుస్తోంది. ఇక అందాల భామ శ్రీలీల తన గ్లామర్‌తో ఈ సినిమాపై ఆసక్తిని రేకెత్తిస్తుంది. భారీ క్యాస్టింగ్‌తో పాటు డైలాగ్స్ కూడా ఆకట్టుకునేలా ఉన్నాయి. మొత్తానికి దర్శకుడు వెంకీ కుడుముల ఈ రాబిన్‌హుడ్ సినిమాతో నితిన్‌కి సాలిడ్ హిట్ ఇచ్చేందుకు ప్రయత్నిస్తున్నట్లు ఈ టీజర్ కట్ చూస్తే అర్థమవుతోంది.
జివి.ప్రకాష్ కుమార్ మరోసారి తనదైన మ్యూజిక్, బీజీఎంతో ఈ సినిమాకు మేజర్ అసెట్‌గా మారనున్నాడు. సినిమాటోగ్రఫీ కూడా ఈ సినిమాకు అదనపు బలంగా మారనున్నట్లు టీజర్‌లో స్పష్టమవుతోంది. మైత్రీ మూవీ మేకర్స్ ప్రొడ్యూస్ చేస్తున్న ఈ సినిమాను డిసెంబర్ 25న గ్రాండ్ రిలీజ్‌కు రెడీ చేస్తున్నారు.
