టాలీవుడ్ నటుడు, నందమూరి కళ్యాణ్ రామ్ చివరిసారిగా డెవిల్ ది బ్రిటిష్ సీక్రెట్ ఏజెంట్ మూవీలో కనిపించారు. ఈ చిత్రం ప్రేక్షకులను అలరించింది. తదుపరి కళ్యాణ్ రామ్ ప్రధాన పాత్రలో నటిస్తున్న NKR21 చిత్రానికి ప్రదీప్ చిలుకూరి రచన మరియు దర్శకత్వం వహిస్తున్నారు. ఈ చిత్రం నుండి ఒక ఇంట్రెస్టింగ్ అప్డేట్ ను తాజాగా మేకర్స్ ప్రకటించారు.

NKR21 స్పెల్‌బైండింగ్ యాక్షన్ సన్నివేశాలతో ఇంటెన్స్ ఫైట్ షెడ్యూల్‌ను ముగించింది. త్వరలో పెద్ద స్క్రీన్‌లలో హై ఆక్టేన్ యాక్షన్ ప్యాక్డ్ ట్రీట్ కోసం సిద్ధంగా ఉండండి. త్వరలో మరో భారీ షెడ్యూల్ కోసం చిత్రబృందం సన్నాహాలు చేస్తోంది అంటూ మేకర్స్ ప్రకటించారు.

ముప్ప వెంకయ్య చౌదరి సమర్పణలో ప్రొడక్షన్ నంబర్ 2 గా, అశోక క్రియేషన్స్ మరియు ఎన్టీఆర్ ఆర్ట్స్ బ్యానర్ లపై అశోక్ వర్ధన్ ముప్ప మరియు సునీల్ బలుసు సంయుక్తంగా నిర్మిస్తున్న ఈ చిత్రానికి కాంతార ఫేమ్ మ్యూజిక్ డైరెక్టర్ అజనీష్ లోక్ నాథ్ సంగీతం అందిస్తున్నారు. ఈ చిత్రానికి సంబంధించిన మరిన్ని వివరాలు త్వరలో వెల్లడి కానున్నాయి.