గ్లోబల్ స్టార్ రామ్ చరణ్ హీరోగా కియారా అద్వానీ అలాగే అంజలి ఫీమేల్ లీడ్ లో మావెరిక్ దర్శకుడు శంకర్ తెరకెక్కించి మోస్ట్ అవైటెడ్ చిత్రం “గేమ్ ఛేంజర్” కోసం అందరికీ తెలిసిందే. మరి ఎన్నో అంచనాలు సెట్ చేసుకున్న ఈ చిత్రం కోసం అభిమానులు ఎంతో ఆసక్తిగా ఎదురు చూస్తుండగా ఈ సినిమా నుంచి వచ్చిన ఒకో పాట మంచి రెస్పాన్స్ ని అయితే అందుకుంది.
అయితే ఈ సినిమా విషయంలో లేటెస్ట్ గా పలు రూమర్స్ పై క్లారిటీ వినిపిస్తుంది. నిజానికి గేమ్ ఛేంజర్ అనుకున్న దానికంటే చాలా ఆలస్యంగా వస్తున్న సంగతి తెలిసిందే. ఈ సినిమా షూటింగ్ ఎంతకీ పూర్తి కాకుండా అలా కొనసాగుతున్న నేపథ్యంలో రెండు భాగాలుగా ఏమన్నా తీస్తున్నారా అంటూ ఆ మధ్య టాక్ వచ్చిన సంగతి తెలిసిందే.
ఇపుడు మళ్ళీ ఇవే ఊహాగానాలు వినిపిస్తుండగా ఇపుడు ఫైనల్ గా దీనిపై ఓ క్లారిటీ అయితే వినిపిస్తుంది. ఈ చిత్రానికి పార్ట్ 2 ఉండడమో లేదా శంకర్ గతంలో తెరకెక్కించిన సినిమాకి సీక్వెల్ కాన్సెప్ట్ లానో రావడం లేదట. ఇది పూర్తిగా సోలో సినిమా దీనికి ఎలాంటి సీక్వెల్ ఉండబోదు అని సమాచారం. సో ఆ వార్తల్లో నిజం లేదని చెప్పాలి.
