నేషనల్ అవార్డ్ విన్నర్స్ కి ఎన్టీఆర్ కంగ్రాట్స్!

తాజాగా 70 వ జాతీయ చలనచిత్ర అవార్డులను ప్రకటించిన సంగతి అందరికీ తెలిసిందే. అయితే ఈ అవార్డులను అందుకోనున్న వారికి ఎన్టీఆర్ సోషల్ మీడియా వేదికగా శుభాకాంక్షలు తెలిపారు. “ఉత్తమ తెలుగు చిత్రంగా జాతీయ అవార్డును గెలుచుకున్న చందూ మొండేటి, నిఖిల్ సిద్ధార్థ్ మరియు కార్తికేయ2 టీమ్ మొత్తానికి అభినందనలు. అలాగే, దేశ వ్యాప్తంగా జాతీయ అవార్డు గ్రహీతలందరికీ మంచి గుర్తింపు లభించినందుకు నా హృదయపూర్వక అభినందనలు” అని పేర్కొన్నాడు.

అదే విధంగా “ఉత్తమ కన్నడ చిత్రంగా జాతీయ అవార్డును గెలుచుకున్నందుకు ప్రశాంత్ నీల్, యష్ మరియు KGF2 మొత్తం టీమ్‌కు అభినందనలు” అని పేర్కొన్నాడు. “కాంతార కు ఉత్తమ నటుడిగా గెలుపొందినందుకు రిషబ్ శెట్టి కి అభినందనలు. మీ మైండ్ బ్లోయింగ్ పెర్ఫార్మెన్స్ ఇప్పటికీ నాకు గూస్‌బంప్స్ ఇస్తోంది. అలాగే, బెస్ట్ పాపులర్ ఫిల్మ్ అవార్డు గెలుచుకున్నందుకు కాంతార టీమ్ మొత్తానికి అభినందనలు” అని తెలిపారు.