లీకుల బెడ‌ద టాలీవుడ్‌ ద‌ర్శ‌క‌నిర్మాత‌ల‌కు పెద్ద ఛాలెంజ్ గా మారింది. ఎన్ని జాగ్ర‌త్త‌లు తీసుకున్నా స్టార్ హీరోల లుక్‌లు, ఫొటోలు సోష‌ల్ మీడియాలో లీక్ అవుతూనే ఉన్నాయి. తాజాగా దేవర సినిమాలో ఎన్టీఆర్ రెండో లుక్ కూడా లీక్ అయ్యింది. స్టార్ డైరెక్టర్ కొరటాల శివ దర్శకత్వంలో రాబోతున్న పాన్ ఇండియా సినిమా ‘దేవర పార్ట్ 1’. ఈ చిత్రంలో జాన్వీ కపూర్ హీరోయిన్ గా నటిస్తోంది. ఐతే, ఈ సినిమాలో ఎన్టీఆర్ రెండు లుక్స్‌లో సందడి చేయనున్నారు.
ఆ రెండో లుక్ లేటెస్టుగా లీక్ అయ్యింది. ప్రస్తుతం ఈ సినిమా షూటింగ్ హైదరాబాద్ లో జరుగుతోంది. సెట్స్ నుంచి ఎవరో ఫోటోలు తీసి రిలీజ్ చేయడంతో.. ఆ పిక్స్ నెట్టింట వైరల్ గా మారాయి. ఐతే, ‘దేవర’ టీం మాత్రం ఈ పిక్స్ ను షేర్ చెయ్యొద్దు అని, షేర్ చేస్తే చట్టపరమైన చర్యలు ఉంటాయని తెలిపింది. మొత్తానికి దేవర సినిమాపై రోజురోజుకూ అంచనాలు పెరుగుతున్నాయి. అనిరుధ్ రవిచందర్ సంగీత దర్శకుడిగా వ్యవహరిస్తున్న ఈ సినిమాలో షైన్ టామ్ చాకో, ప్రకాష్ రాజ్, శ్రీకాంత్ తదితరులు కీలక పాత్రల్లో నటిస్తున్నారు.