ఇప్పటికే కేరళలో విడుదలై సంచలన విజయం సాధించిన ఉన్ని ముకుందన్ రీసెంట్ బ్లాక్ బస్టర్ ‘మార్కో’. హనీఫ్ అదేని ఈ సినిమాకు దర్శకత్వం వహించారు. క్యూబ్స్ ఎంటర్‌టైన్‌మెంట్స్ పై షరీఫ్ ముహమ్మద్ నిర్మించారు. ఈ చిత్రాన్ని ఎన్వీఆర్ సినిమా తెలుగులో గ్రాండ్ గా రిలీజ్ చేస్తోంది. జనవరి 1, 2025 ఈ చిత్రం తెలుగు ప్రేక్షకులు ముందుకు రానుంది. రిలీజ్ డేట్ పోస్టర్ లో రక్తపు మరకలతో సీరియస్ గా చూస్తున్న ఉన్ని ముకుందన్ లుక్ టెర్రిఫిక్ గా వుంది.
ఈ వైలెంట్ యాక్షన్ ఎంటర్ టైనర్ లో యుక్తి తరేజా, కబీర్ దుహన్ సింగ్ కీలక పాత్రలు పోషించారు, కేజీఎఫ్, సలార్ ఫేం రవి బస్రూర్ మ్యూజిక్ అందించారు. చంద్రు సెల్వరాజ్ డీవోపీ పని చేసిన ఈచిత్రానికి షమీర్ మహమ్మద్ ఎడిటర్.