వెర్సటైల్ యాక్టర్ ధనుష్ హీరోగా యువ దర్శకుడు అరుణ్ మాతేశ్వరన్ దర్శకత్వంలో తెరకెక్కుతున్న లేటెస్ట్ పీరియాడిక్ యాక్షన్ థ్రిల్లర్ మూవీ కెప్టెన్ మిల్లర్. ఈ మూవీకి జివి ప్రకాష్ కుమార్ సంగీతం అందిస్తుండగా సత్యజ్యోతి ఫిలిమ్స్ సంస్థ దీనిని గ్రాండ్ లెవెల్లో నిర్మిస్తోంది.
ఇప్పటికే ఈ మూవీ నుండి రిలీజ్ అయిన ఫస్ట్ లుక్ టీజర్, రెండు సాంగ్స్ అందరినీ ఆకట్టుకుని మూవీ పై మంచి అంచనాలు ఏర్పరిచాయి. ఇక తమ మూవీని సంక్రాంతి సీజన్ లో ఆడియన్స్ ముందుకి తీసుకురానున్నట్లు ఇప్పటికే ప్రకటించిన మేకర్స్, పక్కాగా మూవీని జనవరి 12న రిలీజ్ చేయనున్నట్లు కొద్దిసేపటి క్రితం అఫీషియల్ గా అనౌన్స్ చేసారు. సందీప్ కిషన్, శివరాజ్ కుమార్ కీలక పాత్రలు పిశిస్తున్న ఈ మూవీలో యువ నటి ప్రియాంక మోహన్ హీరోయిన్ గా నటిస్తోంది.