గ్లోబల్ స్టార్ రామ్ చరణ్ హీరోగా ఇప్పుడు మావెరిక్ దర్శకుడు శంకర్ తో “గేమ్ ఛేంజర్” అనే భారీ సినిమా చేస్తున్న సంగతి అందరికీ తెలిసిందే. అయితే ఈ చిత్రం కోసం అభిమానులు మంచి ఆసక్తిగా ఎదురు చూస్తుండగా ఈ సినిమా తర్వాత చరణ్ 16వ సినిమాపై కూడా భారీ హైప్ నెలకొంది.
టాలెంటెడ్ దర్శకుడు బుచ్చిబాబు సానా చరణ్ కోసం ప్రత్యేకంగా తయారు చేసిన కథ విని అంతా షాక్ అయ్యామని శివ రాజ్ కుమార్, విజయ్ సేతుపతి రెహమాన్ లాంటి పలువురు స్టార్స్ ఈ సినిమా స్యూర్ షాట్ హిట్ అవుతుంది అని ముందే చెప్తున్నారు. అయితే ఈ చిత్రంలో కన్నడ సూపర్ స్టార్ శివ రాజ్ కుమార్ కూడా భాగం కానున్నారని ఇది వరకే కన్ఫర్మ్ అయ్యిన సంగతి తెలిసిందే.
అయితే దీనిపై ఇప్పుడు అఫీషియల్ క్లారిటీ మేకర్స్ ఇచ్చేసారు. నేడు శివన్న బర్త్ డే కానుకగా అయితే ఈ భారీ సినిమాలో తాను ఉన్నట్టుగా మేకర్స్ రివీల్ చేశారు. అలాగే ఈ సినిమాతోనే శివ రాజ్ కుమార్ టాలీవుడ్ ఎంట్రీ ఇస్తున్నారని అందుకు తమకి ఆనందంగా ఉందని చిత్ర నిర్మాణ సంస్థలు వృద్ధి సినిమాస్ మైత్రి మూవీ మేకర్స్ వారు తెలియజేసారు.
