లేటెస్ట్ గా మన తెలుగు సినిమా నుంచి వచ్చిన సూపర్ హిట్ చిత్రం అంతకు మించి ఒక సాలిడ్ కాన్సెప్ట్ తో వచ్చిన సినిమా ఏదన్నా ఉంది అంటే అది “క” అని చెప్పాలి. యంగ్ అండ్ టాలెంటెడ్ హీరో కిరణ్ అబ్బవరం హీరోగా నయన్ సారిక హీరోయిన్ గా దర్శకులు సందీప్, సుజీత్ లు తెరకెక్కించిన ఈ సాలిడ్ థ్రిల్లర్ చిత్రం తెలుగు ఆడియెన్స్ కి ఊహించని ఫీస్ట్ ఇచ్చింది.
ఇలా భారీ వసూళ్లు అందుకున్న ఈ చిత్రం నెమ్మదిగా పాన్ ఇండియా భాషల్లో రిలీజ్ కి వెళుతుండగా ఇపుడు తెలుగు వెర్షన్ లో అయితే ఓటిటి రిలీజ్ కి సిద్ధం అయ్యింది. ఇక ఈ చిత్రాన్ని మన తెలుగు సంస్థ ఈటీవీ విన్ సొంతం చేసుకున్న సంగతి తెలిసిందే. అందులో “క” సినిమా అఫీషియల్ డేట్ ఇపుడు వచ్చేసింది.
దీనితో ఈ సినిమా ఈ నవంబర్ 28 నుంచి స్ట్రీమింగ్ కి రాబోతునట్టుగా వారు ఫిక్స్ చేశారు. మరి ఈ ఇంట్రెస్టింగ్ థ్రిల్లర్ కోసం ఎదురు చూస్తున్నవారు ఇంకొన్ని రోజులు ఆగితే సరిపోతుంది అని చెప్పాలి. ఇక ఈ చిత్రానికి సామ్ సి ఎస్ సంగీతం అందించగా శ్రీ చక్రాస్ అలాగే క ఎంటర్టైన్మెంట్స్ వారు నిర్మాణం వహించారు.