ఇటీవల మరొక నటుడు ఎన్టీఆర్ తో కలిసి దిగ్గజ దర్శకుడు ఎస్ ఎస్ రాజమౌళి దర్శకత్వంలో తెరకెక్కిన ఆర్ఆర్ఆర్ మూవీతో పెద్ద సక్సెస్ సొంతం చేసుకుని భారీ క్రేజ్ అందుకున్న మెగాపవర్ స్టార్ రామ్ చరణ్ ప్రస్తుతం శంకర్ దర్శకత్వంలో గేమ్ ఛేంజర్ మూవీ చేస్తున్న విషయం తెలిసిందే. ఈ మూవీ అనంతరం యువ దర్శకుడు బుచ్చిబాబు సన దర్శకత్వంలో తన కెరీర్ 16వ మూవీ చేయనున్నారు రామ్ చరణ్. ఈ మూవీతో నూతన నిర్మాత వెంకట సతీష్ కిలారు టాలీవుడ్ కి వ్రిద్ది సినిమాస్ సంస్థ ద్వారా పరిచయం అవుతున్నారు.
కాగా సుకుమార్ రైటింగ్స్, మైత్రి మూవీ మేకర్స్ వారితో కలిసి ఆయన గ్రాండ్ గా నిర్మించనున్న ఈ మూవీ యొక్క అధికారిక ప్రకటన కొన్నాళ్ల క్రితం వచ్చింది. విషయం ఏమిటంటే, తాజాగా ఈ భారీ క్రేజీ ప్రాజక్ట్ లోకి లెజెండరీ మ్యూజిక్ డైరెక్టర్ ఏ ఆర్ రెహమాన్ ని తీసుకుంటున్నట్లు మేకర్స్ కొద్దిసేపటి క్రితం అఫీషియల్ గా అనౌన్స్ చేసారు. నేడు రెహమాన్ పుట్టినరోజు సందర్భంగా స్పెషల్ గా ఆయనకు శుభాకాంక్షలు తెలియచేస్తూ ఒక పోస్టర్ రిలీజ్ చేసారు మేకర్స్. కాగా ఈ మూవీ యొక్క రెగ్యులర్ షూటింగ్ త్వరలో ప్రారంభం కానుంది.