తమిళ విలక్షణ నటుడు చియాన్ విక్రమ్ హీరోగా దర్శకుడు పా రంజిత్ కాంబినేషన్ లో తెరకెక్కిస్తున్న భారీ పాన్ ఇండియా చిత్రం “తంగలాన్” కోసం అందరికీ తెలిసిందే. టీజర్ తోనే ఒక్కసారిగా భారీ హైప్ లేపిన ఈ చిత్రం రీసెంట్ గా ట్రైలర్ తో కూడా మంచి మార్కులు అందుకుంది. ఇక ఈ సినిమా కోసం అభిమానులు ఆసక్తిగా ఎదురు చూస్తుండగా ఇప్పుడు ఈ సినిమా సెన్సార్ డీటెయిల్స్ బయటకి వచ్చాయి.
ఈ చిత్రానికి సెన్సార్ వారు యూ/ఏ సర్టిఫికెట్ ని అది కూడా ఎలాంటి కట్స్ లేకుండా అందించినట్టుగా కన్ఫర్మ్ అయ్యింది. అలాగే సినిమా అధికారిక రన్ టైం గా 156 నిమిషాల 59 సెకండ్స్ గా కట్ చేశారట. అంటే సినిమా రెండు గంటల 36 నిమిషాల 59 సెకండ్ల పాటు థియేటర్స్ లో కొనసాగనుంది. విక్రమ్ పెర్ఫామెన్స్ కోసం చాలా మంది ఆసక్తిగా ఎదురు చూస్తున్నారు. మరి పా రంజిత్ ఏ లెవెల్లో ప్లాన్ చేసాడో చూడాలి. ఇక ఈ చిత్రంలో మాళవిక మోహనన్ ఫీమేల్ లీడ్ లో నటించగా జివి ప్రకాష్ సంగీతం అందించాడు అలాగే ఈ ఆగస్ట్ 15న సినిమా గ్రాండ్ గా రిలీజ్ కాబోతుంది.